لغز بناء الاهرامات

هل الفراعنه قاموا ببناء الاهرامات بتفريغ الهواء بين الصخور فعلا ؟؟؟

  معلومة غلط عند ناس كتير وهي ان الفراعنة فرغوا الهواء بين احجار الهرم وده لاسباب كتير جدا ابسطهم ان الهرم مبني باحجار جيرية وهي معروفة بمساميتها وان فكرة تنفيذ تفريغ الهواء لا يتم الا بين اسطح مصقولة جيدا غير مسامية وده اللي يستحيل تنفيذه مع الخحر الجيري المستخدم في الهرم وانما هي ليست الا شائعة من ضمن الشائعات اللي تحولت لمسلمات عند بعض المثقفين الغير متابعين بشكل جيد وده حصل بسبب ان مابين احجار البناء لم نكتشف مادة مستخدمة كمونة للربط بين وحدات البناء وده علميا يمكن تفسيره علميا بـــنظريتين



بص ياسيدي
النظرية الاولي
 بسيطة جداااا وهي انك لما تعرف ان اوزان كتل الاحجار تتراوح مابين 2 الي 15 طن للكتلة الواحدة فمن الجائز عدم استخدام اي نوع من المونات في حالة ثبات توازن رص وترتيب احجار الهرم فوق بعضها وده متوفر بمعني اسهل ان الاحجار تقيلة كفاية لانها تترص بشكل هرمي مفيش قوة تدعو لوجود مايربط بينها اصلا وده عمليا وارد
والنظرية التانية
هي المونة العادية اللي استخدمها الفراعنة دايما وهي مونة الجير
لما تعرف ان مونة الجير او الجير بشكل عام ممكن يتحول بالضغط والحرارة الي حجر جيري
ومع وزن العدد الهائل من الكتل الحجرية ده (2 مليون 300 الف حجر)
اكتر من اربع الاف سنة من الشمس في مناخ قاري وبيئة صحراوية
يتوفر العاملان من ضغط وحرارة كافية لتحويل الكميات الصغيرة نسبيا من المونات المستخدمة بين الاحجار لتحويلها الي حجر جيري
وبتحليل بعض البقايا فعلا بين الاحجار يعتقد انها للمونات المستخدمة تبين ان تركيبها عبارة عن حجر جيري ,,,
وكلها نظريات غير مؤكده ولكنها مبينية ع الاجتهادات العلمية 

بخصوص النظريه الاولي  مش معني كده انهم مستخدموش اي مونات في بناء الهرم لا طبعا استخدموا مونات كتير قوي في موضوع التكسية لو تعرفوا طبعا ان الاهرانات التلاتة كانت مغطاة بطبقة كسوة كاملة علي الاوجه كلها لاضلاع كل هرم وكانت مكتوب عليها كمان نصوص كتير واغلب هذه التكسية وقعت في زلزال في القرن الاول الميلادي علي ما اعتقد ولو نلاحظ وجود الجزء العلوي من الكسوة في هرم خفرع مازال باقي ويسهل ملاحظته حتي الان ولكنه غير محتفظ باي من بقايا الكتابات عليه