أسرار النجاح في كيونت 5 Qnet

أسرار النجاح في كيونت Qnet

الجزء الخامس ... والأخير

مرحبا بك للمرة الأخيرة في كيونت!!..بما إن دي المرة الأخيرة فأنا عايز أقولك كلمتين: معلش يا بوب.... أنا عملت اللي عليا معاك.....إديتلك الفنون والأسرار الراقية للنجاح في كيونت وشرحتهالك بالتفصيل. لو بعد كدة لقيت نفسك طالع عينك وعمال بتعمل (Presentations ) بالهبل ومع ذلك مش عارف تجيب حد...أوعي لا سمح لله تفتكر إنها مقفلة علشان دة نظام هرمي وللا حاجة وإن دلوقتي الهرم خلاص في المراحل السفلي اللي أي حد بيدخل فيها بيبقي بيدخل علي جيش من البشر اللي زية واللي بينافسوة وبالتالي فرصتة بتبقي شبة معدومة إنة يحقق أرباح، دة لو جاب فلوسة اللي دفعها في المنتج الممتاز اللي ماكنش محتاجلة أصلا ....لا لا...خالص...كيونت مش نظام هرمي...هي لو مقفلة معاك دة أكيد علشان الناس الوحشين اللي بيحقدوا علينا عمالين يسوءوا سمعتنا وعلشان إنت أكيد منفذتش الكلام اللي في التدريب...العيب منك ومنهم يعني مش من النظام نفسة...النظام نفسة أثبت كفاءتة مع 4% بحالهم من اللي بيدخلوا البزنس دة....عايز إية أكتر من

كدة؟؟ برضة حتلاحظ إن المرة دي أنا غيرت الألوان....إنت بقيت بالأخضر علشان طريقك أخضر... والناس الوحشين بالأزرق، لون السماء والبحر وكل الحاجات المريحة للأعصاب إحنا كنا وصلنا في الجزء اللي فات لحد لما قلنا للضحية .... قصدي ....لل..(Prospect ) إن البزنس دة يبقي(1Million Dollar ) بزنس، وعملنا مقارنة بينة وبين أي بزنس محترم تاني علشان نثبت الموضوع دة. دلوقتي بقي حنحاول إننا  نلخبط اللي قدامنا علشان في حالة لو كان سمع عن السمعة السيئة لشركات ال (MLM ) اللي زي شركتنا كدة، أو كان إشترك في أي واحدة فيهم قبل كدة.....يبقي نحاول نقنعة إن المرة دي الموضوع مختلف.

  في بعض الشركات اللي كانت بتندرج تحت إسم ال(Network Marketing) بس مختلفة عن كيونت.

هنعمل مقارنة بينها وبين شركتنا علشان نعرف الفرق:

وبالنسبه لمثال (MLM)  و (chain )  دي برضه خطط من أنواع كتيره من الخطط وكلها في النهايه برضه MLM وممكن الرجوع لمقاله للاذكياء فقط للتأكد من أن موضوع كيونت برضه MLM

من هنا Qnet للاذكياء فقط

وهنا ممكن نقول إن سبحان لله...بينطبق هنا المثل القائل: "بيقع في شر أعمالة"..... و"شر أعمالة".... هو محاولة الضغط

علي الضحية وعدم إعطاءة فرصة للتفكير والدخول بأسرع وقت لإنة لو إستني شوية حيشوف الناس اللي يعرفهم وهما

بيخسروا وبالتالي مش حيدخل،....... و"بيقع"...... هو الإعتراف الضمني بكل حاجة بيتم إنكارها وهي عملية التشبع وإن

النظام نظام هرمي وإن اللي بيدخل فقط في الأول هو اللي بيكسب........."بيقع في شر أعمالة"!!!

بعد كدة تقولة: فيه أربع خطوات للنجاح في البزنس دة:

(Buy ---- (a high quality product

(L (earn) ---- (before you earn you must learn – team faith – we have system

(Help other ---- (your Network

(Enjoy!! ---- (your income

وقبل ما تختم ال(Presentation)تثبت لية للمرة الأخيرة إن النظام نظام هرمي بإنك تعملة حسبة حلوة كدة الهدف منها 

توضيح إن النجاح في البزنس دة نسبتة لا تقل عن 99.5%

فاكر لما قلنا تتكلم مع شخصين في أسبوع؟ طيب إحنا عايزين نطول المدة شوية، يعني مش معقول الدنيا تمشي حلوة كدة ممكن العملية تتعطل شوية. يعني ممكن الواحد يقعد أد إية علشان يلاقي شخصين بس؟ ممكن شهر مثلاً؟ طيب لو كل شخص عمل زي ما إنت عملت

إتكلم مع 2 في شهر ونام، وكل واحد من ال 2 أتكلم مع شخصين ونام يعني حنيجي في آخر السنة بقوة التضاعف هيبقي عندك في الشبكة 4096 ، حلوين؟ (وفي الشهر ال 33 حيبقي فية 8 مليار 589 مليون يعني 2.6 مليار أكتر من سكان الكرة الأرضية، وبرضة بقوة التضاعف)   طيب أنا عايز أسود الدنيا أكثر، إديني نسبة فشل للرقم دة؟ سيبة يقولك أي نسبة وقولة طيب لو إفترضنا نسبة فشل 99.5 % يعني فية 0.5 % نسبة نجاح يعني لو أي مشروع في الدنيا فية 20 = نسبة الفشل دي يبقي ما أبتيديهوش أحسن؟؟!!، لو ضربنا نسبة الفشل دي في 4096 شخص. يعني إنت في آخر السنة الأولي هيبقي عندك 20 شخص. (دة علي إفتراض إن = $40 * أول سنة = 20 (ده علي اعتبار إن ال 20 شخص مقسمين إلي 10 يمين و 10 شمال وهو الشئ الغير مضمون إطلاقأ ودة طبعا كالعادة شغل 3 ورقات مع الإعتذار عن التعبير. لأن ال 99.5 % فرصة فشل تم تطبيقها علي رقم 4096 وبالتالي كانت

النتيجة 20 فرد في آخر السنة ودي حسبة غير صحيحة لأن نسبة الفشل لازم تطبق من الأول خالص أي ساعة دخول

% البزنس لأن الشبكة علشان توصل لرقم 4096 لازم تمشي بنجاح 100 % أما بقي لو حسبناها صح وتم تطبيق 99.5

نسبة فشل علي الفردين المطلوب إحضارهم علشان الشبكة أصلاً تبدأ تمشي حتبقي النتيجة = صفر فرد) ثاني سنه = ال20*10=200فرد * 40$ = 8000$  (شغل 3 ورقات بس المرة دي بدون إعتذار عن التعبير!! لما السنة اللي فاتت كانت بدايتها 1 وعلي آخر السنة بقوا 20 يعني الواحد بيجيب 20 . يبقي لما يبقي في أول السنة الثانية فية 20هيجيبوا = 20*20= 400 فرد، ثالث سنة ال 400 حيبقوا 8000 فرد، رابع سنة ال 8000 حيبقوا 160 ألف والسنة الخامسة حيبقوا 3 مليون و 200 ألف....يعني حيبقي رقم أهبل مستحيل يقنع أي حد علشان كدة أنا قلت إن الحتة دي نظام 3 ورقات وبدون إعتذار كمان لإنة بيتم إستغلال عدم تركيز الضحية الشبة مؤكد في موضوع الحسابات الكتير دي وبنخم كدة في النص وبدل ما نحط 20 بنحط 10 علشان الحسبة بس تعرف تمشي عدلة لحد السنة الرابعة) ثالث سنه = ال 200 * 10 = 2000فرد * 40$ = 80000$

رابع سنه = ال 2000 * 10= 20000فرد * 40$ = 800 ألف دولار هتاخد بس 780 ألف دولار علشان الحد اللي الشركه بتحطه

يعني في خلال 4 سنين كسبت 780 الف دولار زي الشركه ما قلتلي . يبقا ال (WORST CASE SENARIO) 

إن من 3 إالي 5 سنين هتكسب 780 ألف دولار  3 إلي 5 سنين بس إحنا وقفنا في الشرح برضة عند السنة الرابعة لأن حتي مع الخداع وإستخدام رقم 10 بدل 20 حيبقي في آخر السنة الخامسة فية 200 ألف واحد!)..... ..أنا كسبتهم في 4 سنين.

وأخيرا تختم بقي برسمة هبلة كدة زيك برضة تفكر الضحية إن حياتة سودا وإنة عبد للوظيفة وإن أد إية البزنس دة هو

الذكاء والمفهومية والعملية بعينها.

Qnet للاذكياء فقط

للاذكياء فقط Qnet هل هي نظام هرمي أم لا ؟؟؟

المقالة دي للأذكياء فقط ! لازم الواحد يكون رايق كدة وعقلة زي ما بيقولوا مفتوح زي الباراشوت..في آخر المقالة حتلاقي صفحة من الصفحات الرسمية لورق تدريب شركة كيونت نفسها..مش ورق حد عاملة من ال (Uplines )  بتوعهم. الصفحة الملحقة دي الغرض منها إن الشخص اللي دخل يعرف يتابع (Downlines ) الجامدين علشان ال الشبكة بتاعتة ونموها. وأنا حقطع جزء منها ونجاوب مع بعض علي السؤال اللي محير الجميع.....هل كيونت نظام هرمي (لا سمح لله) ولا لأ

أولاً وقبل أي شئ نلاحظ إني لو رسمت 3 خطوط فقط علي جانب الشبكة حيطلع شكل هرم....شوف يا أخي الصدف...بالإضافة أيضا نلاحظ إني لو رسمت خطوط بالعرض حلاقي إن فية في الهرم أو الشبكة دي مستويات، يعني قبل أول خط بالعرض مثلاً حلاقي 3أفراد، مابين الخط الأول والثاني 4 أفراد ومابين الثاني والأخير 8 أفراد. يعني وبرضة واضح من الرسم إن فية كذا مستوي أو (Levels ) الهرم مستويات أو طبقات ومستويات معناها بالإنجليزي شركة كيونت شركة تسويق، وتسويق بالإنجليزي يعني

Marketin مستويات متعددة (Multi) وكلمة متعددة معناها بالإنجليزي  وبناء علية لو جمعنا الكام كلمة الإنجليزي دول مع بعض حنعمل كلمة (Multi level Marketing ) وهذا لمن يجادل في النقطة دي ويحاول (MLM) يعني الخلاصة أن كيونت تعتبر واحدة من شركات ال .(MLM) أو (MLM) إنة ينفيها. دي بس بداية سريعة قلت يعني بالمناسبة نقفل بيها موضوع إن كيونت مش
طيب نيجي بقي للسؤال الكبير هل كيونت نظام هرمي ولا لأ؟

أولاً لازم نفهم يعني إية نظام هرمي ولية في النظام الهرمي الشبكة حتقف حتقف في الآخر، وبيبقي من الصعوبة الشديدة أو من المستحيل تقريباً تحقيق أي أرباح في النهاية أو في الطبقات السفلي من الهرم. النظام الهرمي هو نظام تسويقي بيعتمد علي نظرية قوة التضاعف، ودي معلومة ممثلي كيونت في الواقع بيسوقوا ليها وبالفعل بيستخدموها في إقناع الضحية إنة حيحقق أرباح كبيرة قوي. بيتقال في ال (Presentation ) إن ألبرت أينشتاين كان بيقول إن قوة التضاعف هي عجيبة الدنيا الثامنة وقوة التضاعف ببساطة هي إن علي إعتبار لو كل شخص دخل كيونت جاب فردين فقط يبقي الفردين دول حيجيبوا 4، وال 4 حيجيبوا 8، وال 8 حيجيبوا 16 وهكذا إلي الأبد
 نشوف طيب الجدول التالي اللي بيشرحة ممثلي كيونت في ال.(Presentation)

1st month = 2

2nd month = 4

3rd month = 8

4th month = 16

5th month = 32

6th month = 64

7th month = 128

8th month = 256

9th month = 512

10th month = 1014

11th month = 2048

12th month = 4096

ودة علي إعتبار إن كل شخص حيجيب فردين في شهر وحتي لو حيجيبهم في شهرين أو ثلاثة مفيش فرق قوة التضاعف هي اللي بتحرك النظام دة وبالتالي نفس معدل الزيادة في العدد حيحصل بس يمكن أبطأ شوية.طبعاً الناس بالذات اللي معندهاش خبرة في الأنظمة الهرمية لما بتشوف الحسابات دية بتنبهر!..إية دة؟ إية البساطة والعبقرية دي في نفس الوقت. دة أنا كدة لو أخذت علي كل 6 أفراد 250 دولار زي ما بيقولوا يبقي آخر السنة حيبقي170500 دولار!!! = 250 * 682 = 6/ معايا: 4096 في اللحظة دي حتلاقي ممثل كيونت بيلحقك؟ حيضحك عليك يعني لاسمح لله؟ لازم يكون صريح جدا وأمين معاك، فيحقول لك: هو طبعا الأمور مستحيل تمشي كدة، يعني مستحيل كل واحد حيجيب 2 في شهر فأنا علشان أبقي صريح معاك حنفترض مع بعض إن النظام دة حيفشل بنسبة 97 % كمان.. يبقي في الحالة دي في آخر السنة بدل ما يبقي فية 4096 فرد في الشبكة حيبقوا 20 بس ...

6/20=3*250= 750$ في آخر أول سنة يعني كدة جبت ثمن المنتج اللي دفعتة. وبما إن أول السنة لما كان واحد بس وبنسبة فشل كمان 97 % وعلي آخر السنة بقيت الشبكة فيها 20 ، يبقي لما العشرين دول يبدؤوا السنة الجديدةعلي آخرها حيجيبوا 20*20=400 السنة اللي بعدها ال 400 حيجيبوا  20 * 400  = 8000 ، ال 8000 يبقوا16000 وبرضة مفيش فايدة....قوة التضاعف مرة تانية بس أبطأ شوية.

المشكلة في قوة التضاعف إن عملية التضاعف دي في الأول ما بتعملش زيادة كبيرة من كل مستوي للمستوي اللي بعدة، يعني مثلاً لو حضاعف 16 إلي 32 يبقي عدد الناس اللي زاد في شهر أو أثنين أو أربع حتي، 16 واحد بس. إنما لما أضاعف 4069 إلي 8192 يبقي عدد الناس اللي زاد برضة في شهر أو برضة شهرين أو نفس الأربع شهور اللي فوق، حيبقي 4069 واحد!!!

مش كدة وبس، المشكلة التانية في قوة التضاعف هي إنها بتحط الغالبية الساحقة من الناس في المستويات السفلي من
الهرم اللي بتبقي المنافسة فيها شديدة جداً وفرصة إنهم يعرفوا يدخلوا حد ضعيفة جد اً. يعني مثلاً نلاحظ إن في المستوي
الأول من الهرم أو حتي التاني فية فرد أو فردين فقط، وحتي لحد المستوي العاشر بيبقي فية إجمالي الناس اللي دخلت
يساوي 1023 واحد إنما في المستوي ال 15 فقط حيبقي فية 32768 فرد!!!. كلهم بينافسوا بعض لأن كلهم دخلوا بشكل
مستقل وشبكاتهم منفصلة عن بعض.

وفي أول سنة من البزنس تقريبا بتبقي قوة التضاعف ماشية بالراحة...الزيادة من شهر للثاني بتبقي عشرات وبعدين مئات وبالتالي بتبقي فرصتهم كويسة جدا إنهم يلاقوا ناس عايزة تعمل بزنس وتدخل في كيونت. واللي بيدخل في الوقت دة عامة (في الأول) بيكسب أكيد. الدنيا جميلة وقوة التضاعف شغالة الله ينور علشان لسة فية ناس بالهبل ما سمعتش عن كيونت أو عندها الإستعداد لو سمعت إنها تدخل. بعد أول سنة أو ممكن أكثر بشوية تبدأ مرحلة إنك كل ماتروح في مفيش حد من أهلك أو من أصحابك ما سمعش عن كيونت أو علي الأقل (Presentation ) حتة تلاقي حد بيعمل بعضهم (بقت معروفة علي الأقل لأكثر من شخص في عائلة واحدة أو مجموعة أصحاب)!! عارف دة معناة إية؟ معناة إن في دلوقتي آلاف دخلت كيونت!!! ولو هنا بدأت تطبق نظرية التضاعف حتلاقي إنة بدل ما في شهر مايو السنة اللي فاتت دخل 300 ، شهر مايو السنة دي حيدخل 8000 مثلاً ودة علي أسوأ تقدير!! ويبدأ الموضوع يبقي أصعب.. عدد الناس اللي عندها إستعداد يعمل بزنس بيقل، وعدد الناس اللي بتدور علي ناس عايزين يعملوا بزنس بيزيد....وبمعدل متسارع كمان يفوق بمراحل معدل تزايد السكان، أي شعب في الدنيا ما بيتضاعفش في العدد كل شهر ولا حتي كل 10 سنين...النتيجة....مرحبا بك في كيونت...أنجح بزنس في التاريخ..حتدخل بعد وعود من الرخاء والسعادة وتلاقي نفسك  تحولت لكائن مختلف...شفت الدولارات في (Presentation) وبعد ما تدخل تلاقي نفسك تاية!! لسة مقتنع بالفكرة...وشايف ناس عاملة أرباح (اللي دخلوا في الأول) ومش فاهم برضة؟ هو الموضوع صعب كدة لية؟ دة أنا بقالي شهر والثاني ومجبتش غير واحد فقط؟ أكيد العيب مني؟ ماهو في ناس ناجحة أهم؟ طيب أسئلهم هما أكيد حينصحونى...وتبدأ بقي المسرحية الهزلية بتاعة التدريب في كيونت. كل أسبوع آلاف من الضحايا علي شوية فلول مندسة في النص من الناس اللي دخلت في الأول، تروح تحضر تدريب في قاعات كبيرة في فنادق أو أماكن عامة...يطلع فيها الناجحين ويكلموا الآلاف من الضحايا عن الأحلام وكيفية الوصول إليها..وأمثال بقي وحكم عن الإرادة والعزيمة وكيفية تحقيق الأهداف...وطبعا التدريب دة مش ببلاش، 60 جنية للفرد، يعني لو ألف واحد حضروا (علي الأقل) يبقي 60 ألف جنية مكسب كل أسبوع..يعني مش كفاية إن كل الآلاف من الضحايا دول طلع بيهم عمولات للي علي قمة الهرم الناجحين لأ دة بالإضافة بيبقي فية مكسب مستمر وثابت من الضحك المستمر علي عقول الناس ... وفي النهاية وبعد حضور التدريب والتعرف علي الأشخاص الرائعين، اللي نجحوا في البزنس دة واللي بيبقوا مثل أعلي لكل من في كيونت، برضة الواحد مش حيعرف يعمل أرباح وفي النهاية يسيب البزنس وهو علي كامل الإقتناع إن العيب منة، والمصيبة إن ممكن لو حد سألة بعد كدة أدخل كيونت ولا لأ حينصحة إنة يدخل.

يارب تكون الصورة وضحت أكتر وفي الصوره هتلاقوا ورقة التدريب بتاعة كيونت اللي بتوضح خطة البزنس

الرائعة اللي معمولة حصري

للأذكياء فقط ..... !

أسرار النجاح في كيونت 4 Qnet

أسرار النجاح في كيونت Qnet
الجزء الرابع 

مرحبا بك للمره الرابعه في كيونت !! ... إحنا وصلنا في الجزء الثالث اللي فات لحد ما شرحنا نظام العمولات بتاعتنا وماتنساش التركيز الشديد علي قوه التضاعف اللي بتهبل أي حد واللي في نفس الوقت بتمثل الدليل القاطع علي إن نظام كيونت نظام هرمي بحت وبرده هفكرك إن أي كلام بالاحمر ملكش دعوه بيه خالص ده للناس الحقودين واعداء النجاح اللي بيغيروا مننا

إحنا وصلنا اخر مره للجدول اللي بيوضح العمولات لحد 1250$ في الاسبوع .... بس ده مش كفايه ... إحنا عايزين نهيل الناس فهنوصل بقي لحد الاقصي وهو 3000$ في اليوم !!!

تقوله : بعد ال 1250$ وبزياده دخول الناس في الشبكه بتاعتك تبدأ الشبكه تكبر لحد لما توصل لـ 15000$ في الاسبوع (علي اعتبار الاسبوع 5 ايام عمل )
بعد المبلغ ده هيوقف الربح بتاعك عند كده والباقي هيروح للشركه . يعني لو وصل الشيك بتاعك لـ5000$ في اليوم تاخد إنت 3000$ والشركه تاخد الباقي وده علشان إنت لما بتوصل للنقطه دي الداخل للشركه من بيع المنتجات بيساوي الخارج من الشركه من الشيكات والباقي هيروح صافي للشركه (النقطه دي غالبيه الناس مبيركزوش فيها وبعدي كده مرور الكرام بس تعالو بقي نحسبها : 15000$ في الاسبوع /250دولار لكل خطوه = 60 خطوه . الخطوه فيها 6 أفراد . 60*6 = 360 فرد ولازم يكونوا بالنص 180علي اليمين و 180علي الشمال ... يعني مبدئيا مطلوب ان الواحد يوصل للسيناريو الكوميدي اللي يبقي فيه دخله اليومي باقي عمره 3000$ إنه يدخل في الاسبوع برضه لباقي عمره 360 فرد .. السنه فيها 52 اسبوع .. يعني كل سنه لازم الواحد فقط يدخل 18720 واحد لباقي عمره !!! يعني لو 1000 واحد فقط وده رقم صغير جدا دخلوا الشهر اللي فات المفروض إنهم يدخلوا 18 مليون و 700 ألف وده كل سنه لباقي العمر .......
مش كده وبس .... الحته اللي جايه دي في الجوووول ... هما مش بيقولوا إن كيونت شركيه أصيله ومتأصله من سنه 1998 ؟ والنهارده بيقولوا إن فيها 3 مليون مشترك ... وإختلفت الاقاويل ..  فيه بيقولوا مليون ماشي هنفترض ان فيها 5 مليون وده في صالح اللي في كيونت : لو في سنه 1998 دخل الف واحد فقط وده رقم قليل جدا جدا بس ماشي ... المفروض إن البزنس ده أحقق 780ألف دولار في حد أقصي 5 سنين وده معناه إن بعد 5 سنين وبناء علي الحسبه اللي فوق المفروض يبقا عدد المشركين في كيونت 18 مليون  و 700 ألف وإبتداء من السنه الخامسه المفروض العدد يزيد برضه 18 مليون و 800 ألف كل سنه لو هنضرب العدد ده في عدد السنين الباقي مع قوه التضاعف من سنه 2004 حتي 2013 المفروض إنه في 2004 وصل 18 مليون و800الف مع قوه التضاعف المفروض ان عدد المشتركيبن مع نظام عمولات كيونت الهرمي ولا ال MLM ولا اللي علي شكل ورقه الجرجير ما تفرقش بعد إستمراريه 15 سنه المفروض  في سنه 2013 وإحسبها بنفسك لو مش مصدق المفروض العدد يوصل لــ 4 مليار و812مليون و800الف ... اللي موجود منهم الان كما افترضنا 5 مليون فقط .. اللي هما لا يتعدوا نسبه 1% فقط من العدد المفروض وجوده يعني النظام حقق فشل بنسبه 99 % يعني إحنا مش بنفتري لما بنقول ان نسبه الفشل في البزنس ده 96% ده إحنا بنكرمهم كمان  )

الحسبه دي متقولهاش لأي حد من أصحابك اللي في كيونت لانهم في الثانويه العامه كانوا بيسقطوا في الرياضيات ^_^ فموضوع الحسابات دي بتبقي صعبه شويه بالنسبه ليهم وليك إنت كمان بصراحه إنت كده كده زي ما قلنا ما تلتفتش للكلام اللي بالاحمر )

طيب .. 3000$ في اليوم مبلغ حلو قوي صح ؟ بس بعد عشرين سنه هيبقي قليل شويه (ياعيني علي الغني الفاحش وكأن المهزلة اللي فوق دي مش كفاية لأ دة لسة في كلام تاني علي تحقيق أرباح أكثر)   طيب إزاي نكبر الربح بتاعنا ومنخليش الشركه توقفنا عند 3000$ في اليوم ؟

خلينا متفقين إن فية نوعين من الناس:

(SMART WORKER)وتكتبها كبيرة في نصف الصفحة ....و (hard worker) وتكتبها صغيرة علي جنب 

في الشمال (hard ) : دخل 100 يمين + 100 شمال وه كان مشتري منتج واحد يديله 1 header يعني كسب 100*40=4000$يمين +100علي الشمال يعني كسب 8000$ وتكتبها من تحت وصغيره
في اليمين smart : لما دخل بمنتج أعلي يديله 3 header أصبح بمقام 3 أشخاص يعني بقي (m1 m2 m3 ) لو طبقنا نفس المجهود اللي في المثال الاول hard علي المثال الثاني smart و m دخل الشبكه بتعته 100 يمين و 100 علي الشمال يعنيM3 + M2       $8000 =  4000+4000  و m1 كسب من نفسه + ( m3 + m2 ) إذن الشخص m كسب كام ؟ 16000$ ( موضوع ال header ده معناه إن في منتجات بتبقي ب 700 دولار مثلا بتدي 1 header وفيه منتجات أغلي من 1200 دولار دي بتدي 3 headre وده علشان الخساره للضحيه بتبقي بالحد الاقصي كمان يعني هيدفه 700 دولار في منتج هو مش محتاجله لأ ده كمان إحنا كمان نحليهم أكثر من 1200 دولار )

ده يخليني أقولك ايه هي ( level of investment )
لو حبيت تطلع اجازه في فندق 5 نجوم في أي مكان بره مصر تدفع كام في الليله ؟ طب لو مكان متطرف في ( dead season ) ؟ أكيد مش أقل من 200$ لفردين طب لو اربع أشخاص يبقي 400$ في الليله طيب لو هيقعدوا 7 أيام يعني 400*7 = 2800 دولار طب لو هيقعدوا اسبوعين يعني 5600$ طب لو هيكرروا الاجازه دي لمده 30 سنه؟ يبقي 5600*30 = 168000 طيب لو عملنا خصم 50% يبقي 84000 دولار ده من غير حساب سعر التضخم يبقي حلو ؟ طب لو هنخليها 2000 دولار فقط يبقي حلو؟

إحنا عندنا عضويه ب 13000دولار 4 أشخاص لمده إسبوعين كل سنه لمده 30 سنه في أكثر من 3000 فندق ومنتجع حول العالم من 4 الي 7 نجوم ( معلش بقا التعليق هنا لازم يبقا مفصل علشان السيناريو اللي فوق ده في منتهي الخداع بشكل أكثر من مستفز
أولا يلاحظ ان المنتج الويحد اللي تم الكلام عليه هو الاجازات علما بأن فيه منتجات تانيه زي الساعات ومنتجات الطاقه برده ممكن تدي أكثر من 1 header وتدخل الفرد smart إنما لا يجرؤ أي أحد من كيونت يعرضها أو يتكلم عليها لانها منتجات كلها واضح جدا إنها لا تساوي قيمتها إطلاقا
وممكن تشوفو الفيديو ده وتعرفوا كميه الخداع اللي بيستخدموه في ترويج السلع الفاشله بتاعتهم وبعدين تكملوا 

ثانيا : السيناريو الهزلي اللي فوق فيه كم ضخم جدا من الخداع أولا انا مش محتاج لما أطلع اجازه تبقي في فندق 5 نجوم لاني مش هقعد في الفندق غير ساعه النوم فقط مفيش وجود لعرض 7 نجوم تماما 

لو فندق مملوك لكيونت بيبقي 5 نجوم وباقي الفنادق 4 نجوم يعني 99%من الفنادق هتبقا 4 نجوم
ثالثا : فيه فنادق بتنزل بعروض الليله بتبقي أقل من 100 دولار
رابعا والاهم العرض ده مفترض علي افضل الفروض وهي 4 أشخاص ... بعد الشراء حيفاجأ اللي إشتري إن العرض من 2 إلي 4 أفراد والغالبية الساحقة من الفنادق ال 5 نجوم حتبقي فردين وحسب ال (Availability) كمان. العرض فية مصاريف خفية كتير. لا يتضمن رسوم تساوي 50 دولار لو الفنادق دي مش مملوكة لكيونت يعني حتطبق الرسوم دي في 99 % من الفنادق. لا تتضمن رسوم الفيزا أو أصلاً ضمان إني أعرف أجيب فيزا لا تتضمن مصاريف الطيران اللي ممكن توصل لآلاف الجنيهات كل مرة. أصلاً من الأول العرض بتاع 30 سنة ب 16000دولار أنا ممكن أجيب بية (Time Share ) برضة بنفس السعر مدي الحياة، مش محتاج أنزل في فندق. الفنادق نفسها  بيبقي فيها خداع كبير. يعني مثلا لو حناخذ حالة تركيا. مفيش فنادق في إستطنبول. الفنادق بتبقي في حتة إسمها توزلا في إستطنبول لو عرض زي دة لا يتضمن الوجبات ولا حتي الفطار أنا ممكن أنزل أفطر أو أتغدي ب 20 دولار أو أكتر

شوية. إنما في توزلا الفندق بيبقي متطرف ومفيش أي إختيار غير إني آكل كل وجباتي التي لا يغطيها العرض في الفندق

بمبلغ ممكن يعدي ال 100 دولار في اليوم للفرد. يعني بعد ما أرجع الاقي نفسة دافع أكل ضعفين ثمن مصاريف الإقامة

طبعا دة غير إن الطيران للأماكن النائية دي بيبقي أغلي بكتير.)

 دة كقيمة منتج حلوة قوي أما كبزنس بتاخذ 21(Header) يعني أي شخص بيدخل معاك الشبكة بتاخذ علية مش 40 $ لأ  بتاخذ 440$

13000$ = 21 Headers = 440$--------per year = 16.4 Million Dollars

8000$ = 13 Headers = 240$----------per year = 10 Million Dollars

4500$ = 7 Headers = 120$-----------per year = 5.3 Million Dollars

2000$ = 3 Headers = 80$------------per year = 2.3 Million Dollars

700$ = 1 Header = 40$--------------per year = 780000 Dollars

من 2000 $ إلي 700 $ ممكن تختار أي منتج من منتجات الشركة أو أجازات

تعالي نقارن بين البزنس دة وأي بزنس تاني لية أرباح سنوية برضة 780000 دولار

رأس مالها خلينا نقول ( 2 مليون دولار علي (A) الأثنين أرباحهم 780 ألف دولار بس رأس المال بتاعهم مختلف. شركة

الأقل). لأن أي شركة علشان تطلع الربح دة محتاجة علي الأقل 5 أضعاف الرقم دة علشان تحطة في رأس مال.

كلام غير صحيح إطلاقا.ً الموضوع يعتمد علي طبيعة البزنس. فية مثلاً كافية مشهور جدا في الإسكندرية مش حذكر إسمه

علشان الحفاظ علي خصوصية أصحابة، الكافية دة كان رأس مالة 800 ألف جنية وفي أول سنة فقط حقق أرباح تفوق ال

3 مليون جنية

اللي هو البزنس بتاعنا، رأس مالها 700 $ بس. أي الشركتين أفضل؟ وتختار إية؟ (B) وشركة

علشان إستثمرت بأقل رأس مال وكسبت أرباح خيالية (أول معلومة صادقة حقيقي...هي (B ) طبعا حيقول أختار الشركة

milion dollar  الأرباح فعلا خيالية) بالنسبة لرأس المال، قولة: هي دي فكرة البزنس، بأقل إستثمار تدخل بزنس 1 

 بزنس !! Million Dollar وإلي اللقاء التالي في الجزء الخامس والأخير إنشاء لله من الفنون الرهيبة للنجاح في ال

أسرار النجاح في كيونت 3 Qnet

أسرار النجاح في كيونت Qnet

الجزء الثالث

مرحبا بك للمره الثالثه في كيونت !! ... إحنا خدنا في الجزء الاول  إزاي تاكل دماغ اللي قدامك وتقنعه بشئ هو مش محتاج ليه اصلا ثم توقفنا في الجزء الثاني  عند أخيرا وبعد طول إنتظار لما بدأنا نتكلم عن البزنس

في الجزء الأول إحنا غسلنا مخ اللي قدامنا طلعنا أحلامه كلها وحطيناها أمامه كرهناه في عيشته وشغله وفي الجزء الثاني  حضرناه إن الناس هترفض اللي هو بيعمله وإنه ما يلتفتش ليهم كلها شويه وهيبقوا بيجروا وراه وأوهمناه كده بسرعه إنه من السهل يلاقي 2 من أصحابه أو من معارفه يبدأ بيهم الشبكه بتعته وعرفناه بسرعه شديده وبإختصار علي منتجات الشركه مع التركيز ان المنتجات دي لها ( business value ) كبيره قوي ..... يعني بمعني أصح المنتج شكليات فقط لا غير المهم هو البزنس

بكرر للمره الثالثه لو لقيت كلام باللون الاحمر ملكش دعوه بيه ده بس معمول علشان أعداء النجاح ^_^ واللي بيغيروا مننا :)

في الجزء ده هنبدأ نشرح له خطه العمولات والطريقه اللي هيقبض بيها . 

قولي إسمين من أصحابك تقول لهم علي البزنس (سيبة يقولك إسمين)، قول لة طيب الأثنين دول عملوا نفس اللي إنت
عملتة وكل واحد دخل 2 في الشبكة بتاعتة.
إنت لما دخلت شخص ( A ) أخدت عليه 40 $ والشخص ( A ) لما دخل شخص ( C ) أخد عليه 40 $ وإنت أخدت 30 $ والاخير ده   دخل شخص أخد عليه 40 $ واللي قبله أخد 30 $ وإنت أخدت 20 $
بعدها ترسم لة الرسمة وتكتب العمولات، إسئلة: إنت هنا ملاحظ حاجة غلط؟

حيقولك اه -- العموله بتقل . قول له :  أيوه العموله بتقل يعني لو دخل إتنين كمان الشبكه هتوصل لزيرو وهتضطر تشتري منتج تاني علشان تبدأ العموله من الاول زائد غن عندك وقت محدد تدخل عدد معين من الاشخاص ولو عدي الوقت ده الحساب بتاعك يعتبر ملغي . طيب لما أنت توصل لزيرو وده زيرو وده زيروه الشركه بعد كده هتفلس وتقفل ( بالعكس هي الشركه مش هتفلس ولا حاجه ... العكس هو الصحيح الشركه هتبيع منتجات والناس اللي بتشتغل معاها هي اللي مش هتعرف تعمل ارباح يبقي الشركه كمان هتوفر عليها العمولات )
دي كانت كده ( حلوه كانت دي ... هي كانت ومازالت )  إسمها شركات MLM أو MULTI LEVEL MARKTING أو MAKE LIFE MISRABLE . الشركات دي فشلت 98 % منها إحنا الشركه بتاعتنا ( اللي هي برضه MLM بس بنظام عمولات مختلف من ضمن خطط عمولات كتير جدا هما طبعا منقيين أسوأ ما فيهم وبيشرحوها )  بتقولك العموله ثابته 40$ مع كل شخص يشترك في الشبكه بتاعتك + مفيش وقت محدد + تشتري منتج مره واحده وسياسه الشركه بتقول كل ما تدخل 3 أشخاص علي اليمين + 3 أشخاص علي الشمال تاخد 250 $ دولار شيك يتحولك علي البنك أو تاخد بيهم شيك يتبعت لك علي البيت (مفيش حاجه إسمها شيك يتحول علي البيت ... لازم الواحد يكون عنده حاجه إسمها ( ECARD) خاص بكيونت وما بيقبض بيه ده بيشتري بيه منتجات أو تحويل علي البنك بحد أدني 200 دولار ويستقطع مصاريف بنكيه لكل تحويل 50 دولار ) 
بعد كده تقولله :  هديلك إختيارين ... تختار تاخد 100 ألف دولار كل يوم لمده 30 يوم فقط ؟ أو تختار تاخد سنت بس بيتضاعف كل يوم لمده 30 يوم فقط ؟ ( بدأنا بقا نتكلم عن قوه التضاعف الخاصيه الرئيسيه المميزه للنظام الهرمي ) 


 تسكت ثانيتين وبعدين قول لة هي دي قوة التضاعف أو(Power of Duplication) (. البرت آنشتين العالم الكبير

العالم الكبير.....هيييية....دة علي إعتبار إن ألبرت إينشتاين محتاج حد يعرفة علي إنة عالم كبير ودة طبعا علي إعتبار إننا بنكلم

أطفال) قال عليها عجيبة الدنيا الثامنة ولو كل شركة قامت علي المبدأ دة هتقهر السوق. (لأ وفعلاً كيونت قهرت السوق

حقيقي...بعد 15 سنة وأول مرة نسمع عنها في مصر ) 

إتأكد إنه فهم قوه التضاعف 

100	100	100
100	100	100
100	100	100

                                                                      

 POWER OF DUPLICATION

4C	2C	1C
32C	16C	8C
256C	128C	64C

خليني أسألك سؤال : ياخد منك وقت قد إيه علشان تجيب إثنين ( تجيب إثنين مش تبيع منتج لاثنين ) ؟ سيبه يرد عليك وبعدين قوله خليها في أفضل الظروف إسبوع . تسأله الاسبوع الاول دخلت 2 ( دخلت مش بعت منتج ) معاك تاخد شيك ؟ هيقولك لا . تقوله صح علشان لسه مكملتش 3+3 .في الاسبوع الثاني كل شخص من الاثنين دخل 2 (مش باع منتجين ) ؟ يتاخد شيك ؟ أيوه . الاسبوع الثالث كل شخص في الاثنين دخل إثنين علي اليمين وعلي الشمال ( برده دخل مش باع منتجين ) بقوا 4+4 تاخد شيك ؟أه 250$ ويبقالك 2 للاسبوع الرابع وبقوا 8+8 ومعاك 2 من الاسبوع الثالث بقوا 9+9 تاخد شيك ب 750$ وهكذا الي الاسبوع الخامس 1250$

ركز معاه علي قوه التضاعف ( ركز علي الدليل القاطع إن كيونت نظام هرمي بحت )

 

CHEQUES	WEEK	PEOPLE
----	1	1+1
250$	2	3+3
500$	3	4+4
750$	4	8+8
1250$	5	16+16

وإلي الجزء التالي إن شاء الله 

أسرار النجاح في كيونت Qnet 2

أسرار النجاح في كيونت Qnet

 الجزء الثاني

مرحبا بك مره اخري في كيونت !!! .... وفي الفنون الراقيه لمسح مخ اللي قدامك وإقناعه بدخول البزنس .. مره تانيه عايز أفكرك إنك متلتفتش تمام للكلام اللي بالاحمر  زي ما قلتلك قبل كده ده للناس الحقودين اللي بيغيروا مننا .. إحنا في الجزء الاول  وصلنا لحد ما الراجل اللي قدامك بقي خلاااااص ... متظبط .. وهو دلوقتي بيكره شغله وأحلامه كلها صحيت جواه .. ولو كان أهبل شويه هيبقي دلوقتي بيثق فيك ( متعتمدش علي الحته دي ... أغلب الناس هتبقي شايفاك نصاب ( ومعاهم حق بصراحه ) ) دلوقتي نبدأ كلام علي البزنس والشركه ؟ لأ لسه شويه ... لازم برضه تختم بقصه عجيبه بس في نفس الوقت ليها تأثير عالي جدا حضرتك هتقول الآتي :

هي الحضارات زمان كانت بتقوم علي ايه ؟ متنساش رد وخلص ... قول بتقوم علي الماء ... فأنا هحكيلك قصه (وترسم وانت بتحكي ) في قريه من القري زمااااان كان الناس كل يوم بيجيبوا وعاء ويروحوا يشيلوه لحد النهر يملوه ويرجعوا البيت تاني . وأول ما تخلص المياه اللي فيه يرجعوا يشيلوه لحد النهر ويملوه ويرجعوا يستهلكوا تاني وهكذا . مش كده وبس !! لأ ده كمان الوعاء ده كان مخروم وكان بيضيع اغلب المياه في الطريق .
لحد ما واحد عنده رؤيه مستقبليه  ( رؤيه مستقبليه كتكوا ستين نيله ) قال انا عايز الماء هو اللي يجيلي الناس بقا قالت عليه إيه ؟ مجنون ( وده تحضيرا لنفس اللي هيحصل مع اللي يدخل البزنس ده .. غالبيه الناس هيقولوا عليه يا إما أهبل يا إما عبيط . وإن لما يحصل كده مايتلتفتش للاراء الهدامه دي واراء اعداء النجاح ^_^ ) المهم هو مسمعش ليهم وقعد في وقت فراغه يملي مياه وبرضه كل يوم يروح يبني ماسوره مياه ... شهر ... إثنين .... ثلاثه .... الراجل بني الماسوره والماء دخل لحد البيت وبقت عنده 24 ساعه ليه هو وأهله والناس بعدها عملت زيه
( الهدف من القصه دي ؟ إنه يحضر نفسه إن الناس هترفض اللي هو بيعمله ده نمره واحده وإنه بيفهم أكثر منهم كلهم وكلهم هيندموا بعد كده ومش بس كده دول كلهم هيعملوا زيه وطبعا أي واحد إتكلم مع حد من اللي دخلوا كيونت هيعرف ان فعلا هو ده تفكيرهم وطبعا أخيرا وليس اخر إنه يتخيل الفلوس وهي بتجري بدون توقف زي الميه )

بعد كد بقا تبدأ تتكلم عن الشركه  (أخيرررررررا ) معلش أناهكتبلك الحته اللي جايه دي بالانجليوي زي ما بتتكتب في الورق بالظبط 

name : Qnet limted - since: 1998 - head office in hongkong - 100% e-commerce - 418 bilion dollars investment - presence in 160 countries 

sponserd of fifa - UN - FAO

 (تعليق بس واحد علي)

(ALL ENGLISH…….ALL THE TIME)................ :(SPONSORED OF FIFA)

biggest in assia - fastest growing in the world 

( عايز تضحك برضه وتتسلي .. إسأل اللي بيشرحلك : إيه ده هي أكبر وحده في اسيا فعلا ؟ ... طيب ممكن تقولي إيه تاني أكبر شركه ؟؟ ^_^ )

الشركه قائمه علي مبدأ ( RYTHM) بمعني (Rise Yourself To Help Mankind ) يعني إرتقي بنفسك لمساعده البشريه
طيب الشركه عايز ترتقي بعملائها علشان يخدموا البشريه ( ونعم الارتقاء بصراحه ) يعني الشخص ده لازم يكون ثري .... عملوا إحصائيه .. ( مين دول اللي عملوا برضه ؟؟ برضه لو عايز تتسلي وتضحك إسأل السؤال ده ... مين اللي عملوا الاحصائيه دي ... ^_^ ) وجدوا إن الشخص الثري بيقبض 3000 دولار مش ف الشهر ولا ف الاسبوع لكن في اليوم ... يعني بيكسب في السنه ؟

تيجي نحسبها 

3000 دولار * 5 (عدد أيام عمل الاسبوع ) * 52 أسبوع = 780 ألف دولار ( إبقي قابلني لو شفت ريحتهم )

طيب الشركه دي زيها زي أي شركه تانيه عندها منتجات + خدمات ( ما تطولش أوي في شرح المنتجات دي .. الموضوع من الشكليات علي كل حال )

المنتجات والخدمات دي ليها
(p.v) ــــــــــــــــ (product value ) وتكتبها صغيره

وليها (B.V ) ـــــــــــــ ( busness value ) وتكتبها كبيره أوي 

هذه المنتجات حصريه فقط من كيونت وعاليه الجوده ودلوقتي إنت ممكن تختار ما بين 3 حاجات :

1 - تسمع ومتعملش حاجه
2- تسمع وبعدين تشتري منتج ( يلا يا جماعه ... اللي عايز فلوس .... رهان علي 100 دولار لو حد جابلي بني ادم واحد فقط - غير طبعا المجانين والمرضي العقليين - اللي يكون إشتري منتج واحد من منتجات كيونت بدون عرض البزنس )

3- تشمع وتشتري منتج وتستمتع بيه وتبدأ في بزنس بمليون دولار

وبعد كده تقوله : وده الاختيار اللي أخدناه كلنا

بعد كده إسأله : إنت بتاكل في مطعم إيه - قولي إيه أكثر مطعم بتاكل فيه ؟ ( سيبه يقولك إسم المطعم ) قول لة: لو أنا رحت أنا وأصحابي المطعم دة ودخل 100 شخص عن طريقك هل المطعم هيكلمك ويعطيك نسبة علي الأرباح اللي دخلت لية عن طريقك؟ هيقولك: لأ طبعا.ً قول لة 65% من الدعاية علي مستوي العالم بتم عن طريق ( Word of Mouth) 

الحاجة دي إحنا بنعملها كل يوم بس مش بناخد عليها فلوس! (طبعا في فرق رهيب بين إستخدام  ( Word of Mouth)  لتسويق مطعم كويس وإستخدامها لتسويق منتجات مبالغ في ثمنها وليس عليها أي طلب في السوق المصري )

إنت في كيونت إشتريت منتج وعجبك ودخلت البزنس ( مين قال عجبني مش فاهم ) قولي إسمين من أصحابك تقولهم علي البزنس ( سيبه هو اللي يقول إسمين ) ( ليه بقي تسيبه هو اللي يقولك ؟؟؟ علشان بعد كده لما يقال له إن كل المطلوب إحضار فردين والفلوس تبدأ تلعب يكون هو أساسا حددهم في دماغه وأقنع نفسه إن الموضوع يمكن تنفيذه علما بأن مفيش أي ضمان تماما إن الفردين دول يوافقوا علي الفكره لو عرضتها عليهم )

وللمره الثانيه هنتوقف هنا .... أنا مش عايز أطول عن كده وإن شاء الله في الجزء الثالث هتشوف إزاي بقي تلخبط اللي قدامك وتجيبه يمين وبعدين تجيبه شمال وتقعد تكتب له ارقام كتير تنسيه أصلا إسمه وده طبعا علشان التشويش علي كل مظاهر الانظمه الهرميه 

أسرار النجاح في كيونت Qnet

أسرار النجاح في كيونت Qnet

الجزء الاول

أووووووووكي !!! .... مرحبا بك في كيونت .. مبروك هي أول كلمه هتسمعها علي طول بعد ما تعمل ( sign up ) . ودلوقتي الموضوع بسيط جدا
أول حاجه هتقول لكل اللي تعرفهم وتحاول تدخلهم تحتيك في الشبكه .... بس لو حقيقي عايز تكسب وبسرعه يعني بدل ما تبقي مليونير في 4 سنين تبقي في سنه وحده ... لازم تعرف ازاي تعمل ( presentation ) لازم علي الاقل 15 ( presentation ) كل شهر .... ودايما إفتكر قاعده -  SWS - someone will , someone won"t , someone is waiting - لا يأس مع الحياه ولازم تدخل أكبر عدد ممكن من الناس تحتك علشان تكسب كتيييييييييير

المقاله دي ببساطه هي منقوله من نفس ورق ال ( upline ) زي ما بالظبط ال (upline ) بتاعه كتبهاله وزي ما انت هتكتبها لل          ( downline ) بتوعك علشان كمان هما يعملوا فلوووووووووووس وكلنا نبقا ناجحين ونغير حياتنا :)

المقاله دي هتوضحلك إزاي تاكل دماغ أي حد ... وتقنعه إنه يدخل البزنس ده ... هي كده ببساطه (( كلام بيني وبينكم طبعا )) إزاي تغسل مخ اللي قدامك وتقنعه بأن حاجه ضايعه هي في الواقع فرصه عمره اللي كان بيحلم بيها

أنا بس عايز أوضح حاجه إن ساعات وانت بتقرأ المقاله حتلاقي كلام مكتوب بالاحمر ... ولا يهمك خالص ... ده علشان الناس الحقوديين اللي بيغيروا من النجاح الساحق اللي بنحققوا في حياتنا علشان لو قرؤا المقاله يفهموها برضه ... يعني انا بس باخدهم علي قد عقلهم ^_^ 

قبل أي شئ تاكد ان الشخص اللي عايز تشرحله قاعد عي يمينك مش يسارك !!! ليه ؟ بيقولوا ان المخ له جانبين الايمن والايسر
الجانب الايمن هو الجانب العملي المنطقي والجانب الايسر هي الجانب العاطفي فلما ال prospect يبقي قاعد وإنت علي ناحيه جانبه الايسر هيبقي مخه شغال بشكل عاطفي  وليس منطقي أو عملي  فكره كويسه برضه upline بقا ^_^

طيب بعد كده تقول له الاتي
1- يا ريت لو تقفل الموبايل علشان نعرف نركز
2- انا علي فكره مش هحاول اقنعك بأي حاجه إنت اللي هتقنع نفسك
3- علي فكره انت دلوقتي هتشوف ارقام ماليه كبيره جدا الارقام دي حقيقيه ويمكن تأكيدها (ههههههههه ابقي قابلني )
4- العقل مثل الباراشوت .. يعمل فقط وهو مفتوح  (الله يفتح دماغك يا شيخ )

بعد كده تسأله ليه الناس بتعمل أي بزنس ؟ وتكتب الاسباب كلها كلاتي :

دخل إضافي - حريه التصرف في أموالها - ليصبح لها عمل خاص بها - ليتاح لها وقت إضافي حر - لتطوير شخصيتهم - للتقاعد المبكر - لمساعده الاخرين - للتعرف علي الاخرين

ممكن يختار واحده أو اثنين أو كلهم المهم تخليه هو اللي يتكلم عنهم وانت تلتزم الصمت الهدف انك تعرف طريقه تفكيره واحلامه وطموحه ( علشان هي دي الاشياء اللي هتستغل إقناع الضحيه مش المنطق )

  

1- ما هي الاولويات بالنسبه لك ؟

2- لماذا اخترت ذلك ؟

3 - لما هي مهمه بالنسبه لك ؟

 4 - ما هي عواقب عدم وجودها 

5- هل عدم وجودها يسبب القلق في حياتك ؟

الفكره انك تجعله يتكلم ويخرج كل ما في داخله ويشعر بكل أحلامه وبحاجته اليها وقد تكون هذه هي المره الوحيده بالنسبه له ان تكون اول شخص يجعله يتكلم وليس انت من تتكلم طوال الوقت إجعلها فكرته هو وليست فكرتك انت إبحث عن المفاتيح لشخصيته ربما تكون المره الاولي التي يسأله فيها احد عن أحلامه فأترك له الفرصه ليتحدث

تبدأ بقي بعد كده تشرح فكره خايبه الهدف منها انك تطهقه في عيشته وتثبت ليه ان كل الوظائف المحترمه اللي بتفيد البلد وإقتصادها وظائف ملهاش أي ستين لزمه وإن الامل الوحيد ليه لتحقيق احلامه هو البزنس ده كالاتي

معادله الحريه والامان

B      ↓	E ↓
I	S

  E = الموظف المطحون مصاريف اكثر من دخله حالته حاله رئيسه في العمل مطلع عينه ... إلخ

S = صاحب مشروع صغير ... برضه لازم يروح شغله كل يوم ( كأنها جريمه يعني ) ممكن البزنس بتاعه يفلس برضه دخله مش عالي
B = رجل الاعمال الكبير مثل بيل جيتس ... فلوس متتعدش ... ممكن يقعد شهر ميروحش الشغل وبرضه هيكسب
I = المستثمر الكبير برضه زي رجل الاعمال الكبير

E , S  لديهم الامان ( مرتب اخر كل شهر ) و B , I  لديهم الحريه والمال الكثير

بعد كده تسأله : الناس ممكن يوصلوا من  E الي S الي B الي I في كام سنه
هيقول أي رقم - قوله النظريات بتقول من 30 الي 40 سنه (( انا مش عارف نظريات ايه بصراحه ^_^ بس يللا ما هو محدش فاهم حاجه )) وده علشنا تسود عليه عيشته وتوضح ليه ان مفيش حل للازمه اللي اصلا مكنش حاسس بيها تماما او بيعاني منها ( ما هو ده غسيل المخ ... تقنع واحد بحاجات اساسا مش محتاج لها )
طيب الحل في المشكله دي ايه ... فيه بيزنس يقدر يحقق ليك المعادله اللي فوق دي في 3 - 5 سنين فقط ... ممكن يرد عليك ويقولك طيب ما هي العقارات او البورصه ممكن تعمل كده ... في الحاله دي هووووووب لازم تلحق نفسك ... عقارات ايه وبورصه ايه اللي تبني اقتصاد البلد ... لألأ ترد عليه علي طول وتقول ان الحاجات دي عايزه راس مال كبير وفيها مخاطره كبيره ( وطبعا نسبه الفشل في البيزنس ده اللي تبلغ 96 % متعتبرش مخاطره ... بس إوعي تجيب سيره الموضوع ده دلوقتي خالص .. دي حاجه يبقا يعرفها منك برده بعد ما يدخل  ويدفع .. يعني طبعا علشان توضح ليه ساعتها إن الموضوع مش هزار )

تساله عن دونالد ترامب ؟ ده من كبار رجال الاعمال في امريكا وكتب كتاب إسمه (why we recommend network markting ) وده علشان يعرف إن كبار رجال الاعمال بينصحوا بالمشروع الناجح جدا ده ( أولا هو مش كتاب دي مقاله !! ثانيا والاهم دونالد ترامب يقصد التسويق الشبكي بالاساليب الاقتصاديه والعلميه السليمه مش بإستخدام الانظمه الهرميه زي كيونت )

إسأله السؤال الاتي : هل سمعت عن الاحصائيات دي ؟ ( أي إحصائيات وأي جهه بالظبط اللي عملتها الله اعلم :) )  وتكتب من فوق لتحت وده برده علشان تطلع بيه من القاع والناس الغلابه للثراء الفظيع ^_^ 

0.1 % are in the positive zone  يعني الدخل أعلي بكثير من المصاريق 

2.9 %  are in the natural zone  يعني الدخل يساوي المصاريف
97 % of the people in the negative zone يعني الدخل أقل من المصاريف 

الهدف من البزنس ده إنه يطلعك من المنطقه السلبيه ( وركز علي السلبيه دي ) إالي المنطقه الايجابيه ... طبعا نلاحظ انه حتي هذه اللحظه مفيش كلمه واحده عن تفاصيل البزنس وخطه الشركه ... كلها معلومات ومناورات لاستخدام احلام وطموحات التاس وإقناعهم بأن حياتتهم الحاليه سلبيه وحضيرهم للحل الوحيد للخروج من هذا المأزق وهو الانضمام لافشل بزنس ممكن حد يعمله

هنتوقف لحد كده إنهارده لان الموضوع كبير لكن هذه المقاله الجزء الاول وسوف تليها بإذن الله أجزاء أخري لمزيد من أسرار النجاح كممثل لكيونت ...