الضوء والرؤيه

معلومه صغيره كده عن الضوء والرؤيه

بداية كده كلنا "او كتير مننا" عارف ان سرعه الضوء هي 300.000 كم في الثانيه "يعني 300 مليون في الثانيه الواحده" وهي اكبر سرعه في الكون "الي الان علي الاقل" وعارفين كلام الحسن بن الهيثم عن الضوء ان الضوء يسقط علي الشئ ثم يرتد علي العين فيسبب الرؤيه

وللي ميعرفش فدي نبذه بسيطه عن لُب الموضوع

.

المعلومه بقي :-

هنتخيل ان في شخصين راحوا لندن عند ساعه بج بن 

الشخص "أ" وقف علي بعد متر واحد من الساعه

الشخص "ب" وقف علي بعد 100 متر من الساعه

انهي فيهم هيشوف الساعه الاول؟؟

.

الاجابه الطبيعيه ان اللي واقف قريب من الساعه

طب ازاي؟؟

ما الاثنين ممكن يشوفوها في نفس الوقت

هنا تكمن المعلومه

عشان سرعه الضوء كبيره مش هنقدر نوضحها بشكل بسيط

طيب نعمل ايه؟؟

هقولك يا سيدي

هنفترض جدلا ان سرعه الضوء تساوي متر لكل ثانيه 

طبعا ده مجرد افتراض عشان تبسيط المعلومه

لو سرعه الضوء بتساوي متر لكل ثانيه بمعني ان كل ثانيه الضوء بيقطع متر واحد

وزي ما قلت قبل كده عن كلام الحسن بن الهيثم ان الضوء بيسقط علي الشئ اولا ثم يرتد علي العين فيسبب الرؤيه

فالضوء هيسقط علي الساعه وبعدين يرتد علي العين بس المرادي بسرعه قليله جدا

يعني اللي واقف علي بعد متر من الساعه هيشوف الساعه خلال ثانيه واحده

اما اللي واقف علي بعد 100 متر هيشوفها خلال 100 ثانيه

يعني هيشوف الساعه 10:00:00 وهي الساعه اصلا 10:01:40 يعني عدي 100 ثانيه علي الساعه الاصليه

بمعني ان الرجل "أ" هيشوف الساعه 10 دي بعد ثانيه فهتكون الساعه اساسا 10:00:01 والراجل "ب" هيشوفها 10 وهي اصلا 10:01:40

وصلت؟

تعالوا بقي نطبق كده علي سرعه الضوء الحقيقيه اللي هي 300.000 كم في الثانيه

هنلاقي اننا بنشوفها في نفس الوقت لان سرعه الضوء رهيبه جدا

يعني الواحد محتاج يقف علي بعد 300.000 كم من الساعه عشان يشوفها الساعه 10 وهي اصلا 10:00:01

اتمني تكون وصلت واكون انا قدرت اوصلها لكم ببساطه
من تحضير صفحه : grown up your mind